Nigeria TV Info

Hari kan makarantu a duniya ya karu da kashi 44%, Najeriya ta zo ta 4 – Majalisar Dinkin Duniya

Majalisar Dinkin Duniya ta bayyana karin hare-hare a kan makarantu a fadin duniya da kashi 44% cikin shekarar da ta gabata. Rahoton Global Coalition to Protect Education from Attack (GCPEA) ya nuna cewa makarantu da jami’o’i a yankunan rikici sun fi fuskantar hare-hare daga ‘yan bindiga da kungiyoyin ta’addanci.

Rahoton ya nuna cewa Najeriya ta shiga jerin kasashe hudu da suka fi fama da hare-haren makarantu, sakamakon barazanar Boko Haram, ‘ bindiga da kuma satar dalibai a arewacin kasar. An rubuta hare-hare da dama da suka hada da kai farmaki kan makarantu, sace dalibai da lalata gine-ginen ilimi.

Sakataren Majalisar Dinkin Duniya António Guterres ya bayyana lamarin a matsayin “mummunan barazana ga makomar yara da matasa,” inda ya bukaci gwamnatoci su kara tsaro, su hukunta masu aikata laifi, tare da zuba jari a tsarin kare makarantu.

Ma’aikatar Ilimi ta Najeriya ta ce za ta ci gaba da aiwatar da shirin Safe Schools Initiative domin kara tsaro a makarantu ta hanyar hadin gwiwa da al’umma da kuma kungiyoyin kasa da kasa.