Nigeria TV Info

NAF Ta Daga Daraja Ga Manyan Hafsoshi 57 Zuwa Air Vice Marshal da Air Commodore

Rundunar Sojin Sama ta Najeriya (NAF) ta sanar da karin girma ga manyan hafsoshi 57 zuwa mukaman Air Vice Marshal (AVM) da Air Commodore, domin ƙarfafa jagoranci yayin da ƙalubalen tsaro ke ƙaruwa a Najeriya.

Daraktan Hulɗa da Jama’a na NAF, Air Commodore Ehimen Ejodame, ne ya bayyana hakan cikin wata sanarwa, inda ya ce wannan karin girman ya nuna jajircewar rundunar wajen gina runduna mai ƙwarewa, ƙarfi da saurin mayar da martani ga barazanar tsaro a fadin ƙasar.

A cewar sanarwar, hafsoshi 27 sun samu karin girma zuwa Air Vice Marshal, waɗanda suka haɗa da:

S.A. Eyoma, G.I. Jibia, A.A. Adebomehin, E.S. Odekina, C.E. Akubue, S.O. Eyekosi, A.O. Akinbuwa, L.I. Kamat, A.G. Akinyimika, A.O. Bamidele, A.K. Famuyiwa, P.J. Edem, S.A. Madaki, O.T. Salami, F.O. Ankeli, M.J. Chidama, J.J. Ijudigal, M. Umar, I.J. Ogbodo, U. Ariahu, A.L. Dakwat, C.E. Akpa, E.C. Ukpong, I.S. Subi, I.M. Yusha’u, S.S. Lazarus, da F. Ekpah.

Haka kuma, hafsoshi 30 sun samu karin girma zuwa Air Commodore. Sun haɗa da:

M.A. Imam, A.A. Komolafe, H.I. Eze, D.U. Edet, M.B. Umar, G.H. Okoh, S.P. Sekegor, P.P. Okonkwo, P.U. Okweugo, A.U. Yahaya, M. Yahaya, I.R. Ubeh, O.K. Cole, E.A. Ifebi, R.K. Olundu, I.O. Akpasa, A.K. Mohammed, H.A. Meshack, S.N. Nwachi, Z.B. Shuwa, E.J. Alabila, S.A. Osoniyi, A.O. Ogunmola, A.J. Arumona, B.I. Jayeoba, C.E. Akuh, N.N. Onuoha-Mba, P.A. Garba, Y.M. Abdullahi, da M. Suleiman.

NAF ta ce karin girman mataki ne na tabbatar da ingancin aiki da kuma kara shirin mayar da martani kan barazanar tsaro a Najeriya.