Nigeria TV Info 

China Ta Cire Harajin Shigo da Kaya daga Najeriya da Kasashe 52 na Afirka

Kasar China ta sanar da cire dukkan harajin kwastam kan kayayyakin da ake shigowa da su daga Najeriya da wasu kasashe 52 na Afirka. Sabuwar dokar ta fara aiki daga ranar 1 ga Mayu, 2026, domin karfafa alakar kasuwanci tsakanin China da kasashen Afirka.

Rahotanni sun bayyana cewa matakin zai bai wa kayayyakin Najeriya damar shiga kasuwar China cikin sauki musamman kayan noma kamar koko, kashu, sesame, citta da sauran albarkatun kasa. Hakan na iya taimakawa wajen bunkasa fitar da kayayyakin da ba na man fetur ba daga Najeriya.

Masana tattalin arziki sun bayyana cewa wannan tsari zai iya samar da karin ayyukan yi, bunkasa masana’antu da karfafa tattalin arzikin Najeriya idan gwamnati da ‘yan kasuwa suka anfani da damar yadda ya kamata.

China ta ce manufar za ta ci gaba har zuwa shekarar 2028 tare da tallafawa kasashen Afirka ta hanyoyin baje koli, saukaka harkokin kwastam da hadin gwiwar kasuwanci.